ერთიანი ეროვნული გამოცდების შედეგების თანახმად მაღალრეიტინგულ პირველკურსელად დასახელებული მარიამ ჯინჭარაძე თსუ-ს ფსიქოლოგიისა და განათლების მეცნიერებათა ფაკულტეტზე ჩაირიცხა. იგი ფსიქოლოგიის პროფესიას დაეუფლება. მიიჩნევს, რომ თსუ სწორედ ის უნივერსიტეტია, რომელიც დაეხმარება მიზნების მიღწევაში.

სამომავლო გეგმებზე საუბრისას მარიამი თავის სურვილებს გვიზიარებს და ამბობს: ,,მინდა, რომ ბაკალავრიატის წარმატებით დამთავრების შემდეგ სწავლა მაგისტრატურაზე გავაგრძელო და, საბოლოოდ, ჩემი პროფესიით კარგი სამსახური ვიპოვო. ჩემი სურვილია, რომ გაცვლითი პროგრამით საზღვარგარეთ წავიდე, რათა უფრო მეტი გამოცდილება მივიღო. მიმაჩნია, რომ ჩემი უნივერსიტეტი დამეხმარება ამ სურვილის ასრულებაში“.